O‘zbekiston Respublikasi Vazirlar Mahkamasi biznes uchun tutashgan yer uchastkalarini pulli ijaraga olish tartibini tasdiqladi. Yangi qoidalar 1-oktyabrdan kuchga kiradi.

Asosiy qoidalar:

O‘z binosidan 5 metrgacha masofada joylashgan uchastkalarni auksionsiz ijaraga olish mumkin.

Ijara shartnomasining muddati 1 yil, uzaytirish sharti bilan.

To‘lov — har bir metr kvadrat uchun yer solig‘i stavkasining 3 baravarigacha.

Qayerda mumkin:

Davlat organlarining doimiy foydalanishida bo‘lgan uchastkalarda.

Mavsumiy savdo, umumiy ovqatlanish va maishiy xizmatlar uchun.

Qayerda mumkin emas:

  • Bolalar bog‘chasi, maktab, kasalxonalar yonida
  • Xaykallar oldida, qo‘riqlanadigan hududlar va velosiped yo‘laklarida
  • Chorrahalarga 15 metrdan yaqinda va piyodalar yo‘laklarida
  • Svetofor yoki belgilar ko‘rinishini to‘sadigan joylarda
  • “To‘xtash mumkin emas” belgisi mavjud hududlarda

Ijarachining majburiyatlari:

  • Yagona dizayn-kodga amal qilish
  • Kapital obyektlarni qurmaslik
  • Piyodalar va tezkor xizmatlarga xalaqit qilmaslik
  • Kommunikatsiyalarga shikast yetkazmaslik

Muhim:

Agar yer uchastkasi boshqa maqsadlar uchun zarur bo‘lsa, shartnoma bir tomonlama tartibda bekor qilinishi mumkin. Ijarachiga demontaj uchun 15 kun vaqt beriladi.