Rossiya benzin eksportini chekladi. Bu taqiq neft mahsulotlarini bevosita ishlab chiqaruvchilarga ham tatbiq etiladi. Hukumat mavsumiy talab yuqori bo‘lgan va qishloq xo‘jaligi dala ishlari olib borilayotgan paytda «ichki yoqilg‘i bozoridagi barqaror vaziyatni» saqlab qolish maqsadida ushbu qarorni qabul qildi.

Bu O‘zbekiston uchun nima degani?

Iqtisodchi Otabek Bakirov POLITIK Markaziy Osiyo uchun bergan sharhida, bunday cheklovlar O‘zbekiston yoqilg‘i bozorida narxlarning ko‘tarilishiga olib kelishi mumkinligini ta’kidladi. Garchi taqiq «do‘st» davlatlar bilan tuzilgan hukumatlararo kelishuvlarga ta’sir qilmasligi haqida ishonch berilgan bo‘lsa-da, 2023 va 2024-yillarda kuzatilganidek, vaziyat o‘zgarishi mumkin.

Mutaxassis fikri

Birinchidan, bunday kelishuvlarga kiritilmagan kichik importchilar bozordan chiqib ketmoqda.

Ikkinchidan, Bakirovning ta’kidlashicha, hukumat ro‘yxatidagi monopolistlar, aksincha, shundoq ham baland bo‘lgan narxlarni ko‘tarish uchun bahona topishmoqda.

Uchinchidan, bu o‘z infratuzilmasi orqali importni to‘g‘ridan-to‘g‘ri yoki bilvosita nazorat qiladigan ichki benzin ishlab chiqaruvchilar uchun ishoradir.

To‘rtinchidan, cheklovlar bozorning 80 foizigacha ulushini egallagan AI-80 benzinidan voz kechish fonida kuchga kirmoqda.

Rossiyadagi qonunchilik o‘zgarishlari 2025-yil 31-avgustgacha amal qiladi.