Iqtisodiy tadqiqotlar va islohotlar markazi Qashqadaryo viloyatida mahalliylashtirish va sanoat kooperatsiyasi salohiyatini tahlildan o‘tkazdi. Tadqiqot natijalari ushbu hudud mahalliy ishlab chiqarishni rivojlantirish sur’atlari bo‘yicha O‘zbekistonda yetakchilardan biriga aylanayotganini ko‘rsatmoqda.

Asosiy raqamlar

  • 20 ta yangi mahsulot turi 2024-yilda chiqara boshlandi
  • 48 ta mahalliylashtirish loyihasi amalga oshirildi
  • 463 mlrd so‘mlik mahsulot ishlab chiqarildi
  • 308 ta yangi ish o‘rni yaratildi
  • $36 mln import hajmining o‘rni qoplandi
  • $4 mln eksport hajmi viloyatdan chiqarildi

Endi nima bo‘ladi?

2025-yilda 1,03 trln so‘mlik 50 ta yangi loyiha rejalashtirilgan

80 mln dollarga teng import hajmining o‘rni qoplanishi kutilmoqda

385 ta yangi ish o‘rni yaratiladi

Yana nima?

Viloyat mahalliy xomashyoni o‘zlashtirish bo‘yicha ulkan salohiyatga ega. Xususan, hududda mavjud xomashyo:

  • 4,6 mln tonna shisha
  • 1,6 mln tonna kremniy
  • 113 mln tonna slanets
  • 32,5 mln tonna bentonit tuprog‘i

Bu nega muhim?

Hududdagi korxonalarning 70% allaqachon to‘liq yoki yuqori quvvatda ishlab kelmoqda. Bunda 78% kompaniyalar qisman raqamli texnologiyalarga o‘tgan, qolgan 12% esa to‘liq raqamlashtirilgan. Bu ishlab chiqarish modernizatsiyadan o‘tkazilganligi hamda yuqori darajada keng ko‘lamli mahalliylashtirishga tayyorligidan dalolat beradi.