Qirg‘iziston Prezidenti Sadir Japarov sudlanganligi bekor qilingan yoki o‘chirilgan bo‘lsa ham, muhim davlat lavozimlariga nomzod qo‘yishni taqiqlovchi qonunni imzoladi.

Qanday lavozimlar taqiqlangan?

  • Qirg‘iziston prezidenti
  • Jogorku Kenesh deputati
  • hukumat a’zolari
  • davlat organlari rahbarlari
  • MSQ a’zolari
  • Milliy bank rahbariyati
  • Hisob palatasi auditorlari

Istisnolar — jabrlanuvchi ayblovdan voz kechgan yoki tomonlar yarashgan holda, ehtiyotsizlik oqibatida sodir etilgan uncha og‘ir bo‘lmagan jinoyatlar.

Qisqacha

Sadir Japarov sudlanganligi bilan hokimiyatga o‘zi keldi. 2020-yil oktyabrda u tutqunlikka odam olishda ayblanib qamoqda o‘tirayotgan joyidan ozod etildi. Shundan so‘ng u sanoqli kunlar ichida bosh vazir, keyinchalik esa prezident vazifasini bajaruvchi bo‘ldi. 2021-yil yanvarda u davlat rahbari saylovlarida g‘alaba qozondi.