Qozog‘iston Xitoyni uchinchi atom elektrstansiyasini qurish bo‘yicha hamkor sifatida ko‘rib chiqmoqda
Bu haqda bosh vazirning birinchi o‘rinbosari Roman Sklyar ma’lum qildi.

“Fikrimcha, shunday. Xitoydan”, — dedi u ikkkinchi AESda ishtirok etgan kompaniya yana jalb qilinishi ehtimoli yuzasidan savolga javoban.

Ikkinchi stansiya uchun hukumat avvalroq birinchi AES bo‘yicha tanlovda ham ishtirok etgan Xitoyning CNNC kompaniyasini ko‘rib chiqmoqda.

Sklyarning ta’kidlashicha, doimiy suv manbaining mavjudligi hamda qaysi mintaqa energiya iste’molchisi bo‘lishini tushunish muhim. AES uchun joyni 2025-yilda tanlash rejalashtirilgan.

Eslatib o‘tamiz, birinchi AES “Rosatom” tomonidan qurilmoqda. Ekspertlar orasida tanlovning Rossiya kompaniyasi foydasiga bo‘lgani faqat texnik sabab bilan cheklanmaganligiga doir fikr mavjud.

Xususan, Energy Monitor direktori Nurlan Jumagulovning aytishicha, Moskva moliyalashtirish bilan bog‘liq muammolarga qaramay, “Rosatom”ni ilgari surish uchun Astanaga siyosiy bosim o‘tkazmoqda.